MONEGROS DESERT FESTIVAL VIEN P’ASTURIES

NOMARÁSE RICASTRO ESCOMBRERA FEST

L’organización del Monegros Desert Festival dempués de munches duldes confirma que nun dexa d’existir , treslládase a Asturies y pasa a denomase Ricastro Escombrera Fest.
Fai unes selmanes, l’organización del festival de música electrónica decidía que nun volvía facese esti eventu por problemes col propietaru del tarrén onde llevaba celebrándose dende fai 20 años.
Dellos grupos de fans mui disgustaos cola decisión, decidieron buscar otres soluciones a lo llargo d’esti país.
Un grupu de fans asturianu tuvo una idea que, de buenes a primeres pue resultar dalgo cuanto menos llamativa. Atoparon un cachu tierra al llau d’Uxo, que nun s’usa pa nada. L’escombrera de Reicastro.
Nun principiu l’organización nun les tenía toes consigo, pero dempués de llargues negociaciones ente Hunosa y Groove Parade (organizadores de Monegros) decidieron usar el tarrén como espaciu festivaleru y cambiar el nome del eventu por “Escombrera Fest”.
Nun principiu el cartelu nun sufrirá grandes cambeos y, anque dalgún de los artistes convidaos al eventu nun taben mui d’alcuerdo col cambiu al final decidieron facelo “Va ser dalgo totalmente innovador” comenta a esta redaición Ellen Alien, DJ que pinchará nel eventu.
Añádese a esti cartelu con artistes internacionales, el conocíu DJ asturianu Dj Juampy.
Les entraes ya tán a la venta en tolos Alimerka del país, el preciu ye de 15 euros. Solo queden 10.000. Podéis dir dándovos priesa.