Isaac F Corrales ingresáu d’urxencia nel HUCA

Paez ser que por un ataque d’egotitis.

isaac
L’archiconocíu “humorista” Isaac F Corrales, alcontrábase tomando una caña tranquilamente mentanto falaba de cachopos y marañueles, cuando nun momento determináu, lo qu’elli pensaba que yera un fan, acercóse pa comenta-y “que nun tenía gracia denguna, que yera bastante pesáu , y qu’a poder ser comprara una viesca y se perdiera nella”.

L’ego del presentador salió dañáu d’esta conversación y el mozu entamó a sentise mal, a nun poder respirar y sentise morrer. Cayó al suelu y ente gritos de “Cachopu, cachopu, soi youtuber, soi viner, Al Platu nun vuelve” y demás coses que nun s’entendíen.
Los servicios sanitarios del HUCA, acudieron no tan rápido como deberían al llugar de los fechos. Hablamos col mélicu que trató a Isaac y díxonos que lo que-y había pasao yera lo que comúnmente se llama “ataque d’ego con un poco de vergüenza propia o egotitis en vocabulariu mélicu”. Según el mélicu, el mozu nun tá avezáu a sentir que nun fai gracia, y lo peor, él siéntese el más graciosu del Universu, grave problema que va tener que dir solucionando pocu a pocu.
Isaac F Corrales, recupérase selemente del atragantón, y tamos seguros que’l so humor, nun va salir tocáu d’esti fechu, nun sabemos mui bien si por suerte o por desgracia.

Quiciabes te preste tamién...