Ingresa nel Hospital de Cangas un madrilanu.

Comió’l menú degustación en L’Ayandesa.

Na tarde d’ayeri, ingresó nel Hospital de Cangas una persona de Madrid con claros síntomes de tar estragada.
Según investigaciones d’esti periódicu, la so familia entró nel restaurante y pidió’l menú de degustación, que como toos sabemos ye pa quedar bien sirvíu.
Entamaron a comer polos arbeyos con xamón pa siguir col embutíu, paté de morciella, repollu rellenu, pudin de verdures, pote, carne guisao, pa rematar colos postres.
A metada de la xinta, la familia diose cuenta de que se taba poniendo colloráu, y que diba inflando. Al llegar a los postres, nun pudo más y cayó redondu al suelu.
Ambulancies del 112 recoyeron al madrilanu y lleváronlu a Cangas.
Los servicios d’urxencies del Hospital declararon que tán cansos de tener qu’ingresar a subpayarianos que creen que con dos “tapitas” se mantién un paisanu.