REDADA DEL SEPRONA EN L’ENTREGU
REXISTREN LA CASA DEL ESCRITOR PABLO RGUEZ MEDINA
Na tarde d’ayeri, los servicios del SEPRONA ficieron una redada en casa del escritor entreguín Pablo Rodríguez Medina. Yera casi de nueche cuando entraron nel so domiciliu y darréu d’una fondera investigación acabaron lliberando a siete monos que-y escribíen los llibros. Polo visto, la salú de los monos nun yera l’afayadiza. Taben agotaos de tanto trabayar, paecíen de FORO trabayando a tres turnos.
Nun yera normal tanta variedá ortográfica nos sos llibros. – Manisfestaron los axentes del SEPRONA.
Sospechemos d’él pol so paecíu físicu con Mariano Rajoy y pola bayura de llibros qu’escribía. Si peles mañanes diba al institutu de Llaviana y tien un neñu al que curiar. ¿De ónde sacaba tiempu? Les vueltes, toles vueltes que tuvimos que dar entre les piles de llibros qu’amontona en casa p’atopar a los monos.
El monu que peor taba yera’l qu’obligaba a escribir n’español.
