Anabel Santiago nun canta

Ye como Milli Manilli

El llabor d’investigación d’esti periódicu nun tien llendes, tábemos a la gueta sobre si Hector Braga ye humanu o non, cuando topamos con un vidéu d’Anabel Santiago en La Foz de Morcín onde se vía a les clares que nun cantaba dafechu.
Falamos col so manager y díxonos que yera dalgo puntual y que too Asturies conoz el so gran chorru de voz, que cuando canta nel chigre sos pas en Casu, l’Urriellu muevese y xube un par de centímetros. Y convidónos a sentila.
Asina qu’axuntámonos tolos medios d’Asturies nel Chigre La Cueva’l Deboyu dimpuestos a escuchar a la famosa cantante asturiana, cola presentación de Chus Pedro, y la TPA grabando pa Cantadera. Too entamó perbien canciando “A la madre d’un mineru”, cuando entamamos notar dalgo raru, ente estrofa y estrofa, oyíase la pallabra Paniceiros. Aquello nun cuadraba, asina qu’asomámonos toos a la cocina y elli taba Sonia Fidalgo canciando micro en mano como si fora la voz d’Anabel Santiago.
Entre lloros, Anabel confesolo too: “Sí, qué pasa, nun canto un pijo, nun tengo voz, desafino más que Nacho Vegas y pa encima, pa nun destapar too, Sonia Fidalgo oblígame a meter mensaxes subliminares pa que merquemos los llibros del so home, porque nun hai manera a vendelos”.
Pela so parte, Sonia comentó: “Nun puedo tenelo too n’esta vida, soi guapa, gayaspera, voi pelos pueblos de tacón y gorretu na tiesta como si fora d’elli de tola vida y pa encima canto bien. Tenía que sofitar a Anabel”
Chus Pedro, como siempre, miraba raro como si se tuviere enterando dalgo.