La AAATT pide’l desaniciu de los “tirantes tresparentes”

Siguen los pasos de l’AL.lCGC

Dende que la Foz se fizo ecu del drama de les bragues color carne, dellos coleutivos más, animáronse a facer una quexa pública, güei son les moces de l’asociación asturiana antitirantes tresparentes.
Dende que nos 90, les marques de lencería decidieron crear esi supuestu oxetu definitivu na vida de les muyeres, una trola terrible según nos cuenten les moces de AAATT  elles viven nun sin vivir que nun termina.
“Ver l’articulu na Foz diónos fuercies pa quexanos. Somos un coleutivu que sufre en silenciu y yá ye hora de dicir les verdaes, los tirantes tresparentes, son tresparentes, non invisibles como nos quisieron facer creer”
Amás, cuntaban qu’eso de que yera’l meyor inventu pa les muyeres, ye una manera de tomanos el pelo, amás de vese de sobra y dar un aspectu, raru por dicilo d’una manera positiva “choni”,  esti inventu de magar d’un par d’usos ponse color mariello nel meyor de los casos y negru nel peor d’ellos.
Estes moces nun piden otra cosa que se dexen de cuntar mentires, que se dexen de comercializar estes paconaes, y sobre too, que se dexen de facer nuevos inventos como “los tirantes transparentes con dibuxinos”, nun favorecen, nun son invisibles, nun son guapos y de tola vida, ye meyor dir con elles colganderes que con tirantonos feos.