Woodey Allen úfrese como Presidente d’Asturies

“Si tocando la xiblata como la toco y ventilándome fies adoptives facéisme una estatua, namás me queda presidivos”. 

Natalio-Grueso-y-Woody-Allen-Parahoreca1.jpg-11 (1)

Asturies recibió la visita Woody Allen nestos dies cola escusa d’un viaxe a la capital del país vecín. L’equipu d’investigación d’esti periódicu, siempre sollerte a la realidá d’Asturies, pudo saber que daveres, el motivu de la visita yera ufrise a la Xunta Xeneral del Principado pa arreglar l’enguedeyu pa escoyer el nuesu Presidente d’Asturies.

Hebo conceyos con tolos representantes presentaos a presidir Asturies, pero como nengún d’ellos fala inglés, Woody coló escopetiáu d’Asturies con una idea pa una nueva comedia onde los asturianos quedemos como fatos. El Principado ya ta aniciando les víes alministratives correspondientes pa subvencionar la película.

“Quedamos como fatos, pero qué guapa sal Uviéu”, diz Sanjurjo mientres saca la chequera de tolos asturianos pa pagar la película. “Amás venía con Natalio Grueso de collaciu, y eso ye un aval de la hostia de xestión tresparente” arrepostió.

 

Quiciabes te preste tamién...