Confunden a la reinona con Catlyn Jenner

Esta selmana, Asturies tuvo visita de reinona, eso nun ye noticia, bono, sí, claro que lo ye entre otres coses, según los titulares de la nuesa competencia, pola “vocalización” de persona tala y por falar la fala del pueblu (suponemos que falaben d’Uviéu)
Amás de tar presente nunos conciertos, la reinona nun marcha d’Asturies ensin polémica, porque confundiéronla delles vegaes con una celebridá Holliwoodiense.
Y ye, que nunu de los almuerzos nos que tuvo, nun foron nin una, nin dos, les persones que, un poco desorientaes, confundieron a una celebridad con otra. Ún de los invitaos a esi almuerzu, Pelayo Díaz, celebrity asturianu, presentador del programa “Cámbiame” y ex mozu de David Delfín, preguntaba a la reinona, que qué tal llevaba el procesu hormonal provocáu pol cambiu sexo. La sopresa foi terrible, tolos ellí presentes quedaron ablucaos cola pregunta. Nun quedó ehí la cosa, al ratu otra personalidad asturiana, apellidada Coto, preguntaba que tal yera ser “padrastru” de Kim Kardasian y que si esi culu yera de verdad, ensin retoques.
La “víctima” d’esta confusión, de primeres nun lo tomó nada bien, pero a la tercer vez que-y ficieron preguntes rares nun inglés que dexaba muncho que desear, decidió tómaselo a risa y dicir que yera un honor que la confundieran con dalguién que foi portada del Vogue.