Creen un crowfunding cola fin de compra-y a Rato un bañador dignu.

Tendencia n’huches.

Mientres muncha xente fai cola nos comedores sociales, l’amigu Rodrigo Rato, ta tocándonse, y nunca meyor dicho “el ratu” en Mallorca.
Dempués de ver les semeyes que lo demuestren, con munchu interés y consecuencies bastante desastroses, un grupín de collacios de Rato, decidió nun quedase de manes cruzaes, si non crear un change.org pa compra-y a esti home qu’apenes robó y nun quier declarar, un bañador dignu.
Y ye que l’amigu Rato dexa ver partes de la so fisionomía mui poco prestoses, ye lo que se vien conociendo como dar el culu y non la cara.
Nesti casu, la diferencia cola mayoría de los crowfundings ye que nun hai recompenses, bono, sí, velu con un bañador que tape les partes pudendes del paisanu. Si vos interesa, podéis metevos na páxina web y participar dende 1 euro.
Mientres la población d’esti país se torra en playes y piscines publiques, Rodrigo Rato báñase nel mar de Mallorca. Nel so yate y a too trapu, que nun quede detalle. Nun quería pasar desapercíbíu y nun dexó de dar la nota, asina que pa terminar col saltu de rigor dende’l barcu enseñonos a toos l’huchina.
Lo que nun mos esperábamos ye que diba ser esa huchina y non la del gochu, anque bono, pa gochu ya tenésmolu a él.
¿Tendrá nesa hucha toles perres que robó? Nun lo sabemos, y la verdá, tampoco ye que haya ganes d’escarbar per ehí.
Ye tendencia yá ente tolos fabricantes d’huches el comentariu de que van entamar a fabricar huches de les que sirven p’aforrar cola forma del culucu de Rato.
Yá tais pensando mercar una. ¿Eh?