VOX Asturies contrata un minibús p’axuntar a tolos sos afiliaos del país.

Como sobren places, acompáñenlos los sos pas y un par de monxes.

Por mor de la quema d’una bandera española n’Asturies, VOX Asturies ta montando un espolín de la de mio madre, y pa ello ta movilizando a tolos efeutivos que tienen nel país. Pa ello, axuntaron a tolos sos efeutivos nel pisu franco 😜😜 d’un d’ellos nos minipisos de la llaboral.
Nun foi fácil axuntar a tolos afiliaos de Vox Asturies, el so cabezaleru tenía dir mercar pañales p’adultos pa los sos problemes d’incontinencia, la so ma taba en misa, el so pá nel chigre y … yá.
Axuntaos nel pisu franco, dempués d’un rosariu mientres el paisanu mascaba’l paliyu, y de lleer l’acta l’anterior conceyu (“mamá fizo croquetes y vi al Real Madrid con papá”) , decidieron indignase muncho, pero con misericordia divina, osea, indignase de coyones, pola quema de la so bandera nacional.
Llevantaron el conceyu rezando otru rosariu y besando la bandera d’España que preside’l so salón mercada nos chinos d’abaxo casa.