Lleición maxistral de Felipe González n’Avilés. Los asturianos son los más españoles. Veníi faza la lluz.

Qué gran lleición de nacionalismu nos dió Felipe Glez n’Avilés a los asturianos. Esti gran home (sobre too de talla), pensador, sofista y vividor n’hores llibres, dió una lleición maxistral n’Avilés.
“Vosotros nun lo sabéis, porque sois un pelín fatos, pero, sois más españoles que los mesmos españoles. Pásavos lo mesmo qu’a Naomi Campbell, que ta namorada de min, pero ella nun lo sabe.
¿D’ónde creyéis que vien esi autoodiu que sentís nes coraes? D’esi corazón español y cañí que balta dientro d’esi arca.
Dexáilu salir cola roxigualda alantre. Dexái salir esa bailaora flamenca que guardáis nel alma. Vosotros sabéis que sois españolonos dafechu. Dexái de lluchar y veníi faza la lluz”

En metada de la conferencia, un Xabel el Mudu desconocíu, colos güeyos ensangrentaos vínose arriba y entamó a glayar “Puta Catalunya” ente un públicu que duldaba si corear la consigna o salir del llocal faciendo la casadiella.

A too esto, una persona mui mayor a la que-y llamaben, Don Gustavo, miraba pa la so bragueta que dexaba aldovinar un bultu grande, glayaba al gritu de “Milagru, milagru, nun me venía arriba dende’l 23-F”
Darréu d’esi discursu que mos dexó los güeyos como platos, nun sabemos si escorrelu o face-y casu.
Siguiremos informando.