Dimiten tolos políticos d’Asturies .

SACANTE XABEL EL MUDU POLA ENGARRADA LOS TUITS

Ún a ún, el becariu de La Foz d’Asturies  foi alcontrando marnies nos tuits de tolos políticos asturianos.

El primeru en cayer foi Emilio León col so “Putos Bablistes de Mierda” dempués de la campaña que-y fixeron dellos folgaos qu’aspiren a vivir de subvenciones. En rempuesta a esti mediu, dixo que ta creando un comité d’espertos pa que-y entruguen a la FSA si ta d’alcuerdu o non colo qu’escribió.

Cherines unvió-y dellos poetuits xubíos de tonu a Cascos,

Llamazares pola so parte, estalló escontra Próspero Moran al decimoquintu día que punxo trenta tuits siguíos sobre los valores de la bolsa a les 8 la mañana. Llamólu de tou, y dempués de desfogase, él mesmu, pasiando per Salinas seliquín convocó una rueda prensa pa dicir que lo dexaba, que taba hasta los coyones de que tou dios lu fixera de menos.

Nacho Prendes, almitió que foi elli’l qu’asesinó al Teletubi maxenta.

Al que naide, nin siquier l’únicu periodista tituláu del periódicu, foi capaz d’atopar nenguna marnia, foi a Xabel El Mudu. Tolos tuits tan en blancu, toos, enxamás escribió dalgo. Punsímonos en contautu col so CM (Comunity Manager) y díxonos que tenía’l meyor trabayu del mundu, qu’enxamás había que facer namás que bloquiar a tolos babayos que se metíen cola so gloriosa maxestá asturiana. Pol nome esti CM nun mos dicía nada, pero paez ser qu’el so cuartu apellíu ye Villa …