La Universidá d’Uviéu presenta un estudiu que rellaciona los nomes de Jonhatan, Kevin y Christian coles camisetes de tirantes.

Esta selmana la Universidá d’Uviéu presentó un nuevu estudiu d’alcance sobre la población d’Asturies dende la so estaya d’Epistemoloxía. El so representante ablucónos coles sos consecuencies.
“Sabemos qu’un altu porcentaxe los pas d’estos guaḥes son hermanos y por eso los chavales nacen con torgues mentales series. El llabor d’axentes sociales (logopedes ya integradores sociales) ye perimportante, pero resulta abondo insuficiente. Asina, tamos viendo unes carauterístiques comuñales a toos:
– Merquen un Seat Leon, a ser posible de color mariellu col que circulen a gran velocidá, ventanielles baxaes y subwoofer con technotrance a tolo que da (y creeime que da pa muncho, tengo a dos investigadores de baxa col tímpanu perforiáu).
– Toos tienen unos daos colgaos del retrovisor, inda tamos n’estudios pa saber si son ambientadores como los del pinu o non. Ye qu’el xefe del Departamentu la Universidá d’Uviéu d’Aromatoloxía tien un guaḥe de nome Yeray y nun-y ta sentando mui bien l’estudiu.
– Toles llantes del Seat León son mercaes nel Feuvert, tienen alerones (nel coche, pero por mor de la consanguineidá de los sos pas, suelen tenelos tamién nes oreyes) y, por supuestu, tán toos soscritos a la revista TunningCar, revista con coches fosforitos y muyeres en biquini.
– No que cinca a les muyeres, siempres salen con mocines de nome (la) Vane, (la) Jessi, (la) Jenny, (la) Sheila … con una riqueza nel so llinguaxe emplegáu que ta Gotor plantegándose crear na Universidá la Estaya del Chonismu (dirixía pol fíu del d’Aromatoloxía). Amás, el nome hai que dicilo con acentu foriatu y chicle na boca (teo a otros dos investigadores de baxa por mor d’esguince llingual).
– Camisetes de tirantes, chándal del Carrefour, pelu ceniceru, botes de baloncestu … son dalgunos les sos carauterístiques na vistimienta.”
Dempués de citar les sos carauterístiques, faló de la preferencia d’esta triba xente polos polígonos, y entamó rellacionalo colos ataques zombies que sufrirá la población de xuru nel futuru.