Un conceyal de l’oposición de Ḷḷena, crea un nuevu hit versionando “Mi mujer y mi caballo”

Un conceyal de l’oposición de L.lena, crea un nuevu hit versionando “Mi mujer y mi caballo”. Cabeza de cartel de toles fiestes de prau.
El conciyu L.lena nun nos dexa de sorprender, ente les Feries d’Abril en Mayu, l’Alcalde de folixa en quad pel monte y demás, ye una mina d’oru.
Esta vez, trátase del xurdimientu d’un movimientu musical, son por toos perconocíos los talentos musicales salientes d’esti conciyu, dellos grupos famosos nel panorama asturianu (La Coḷḷá Propinde, Blast Open, Spanta la Xente) pero nesti casu, nun ye un grupu d’estilu rock, folk, o celta, si non un cantautor, cantaor, o bono, versionaor de canciones.
El pasáu llunes, na Casa la Cultura de la Pola, dába la primera rueda de prensa, l’artista en cuestión, que nun ye otru qu’el conceyal del partíu les gaviotes. Nesta rueda de prensa, presentó el so primer single, que va ser dende esti prósimu fin de selmana cabeza cartel de toles fiestes de prau de la fastera.
La noticia sorprendió relativamente a los vecinos, ya que dempués d’asistir a la presentación, preguntamos per ehí. Recibimos rempuestes de tou tipo, dende que ya se sabía que yera un folklóricu a que yera un faranduleru, opiniones enfrentaes a les d’aquellos que dicen que un conceyal tien que tar de manera seria y no de folixa permanente.
Tamos seguros, qu’esto un dexará a naide del conciyu indiferente, y que nes primeres folixes de prau, sentirase glayar, al conceyal y al so públicu la versión de “Mi mujer y mi caballo”.