XABEL EL MUDU: “Los independentistas no tienen ya otra salida que elevar la apuesta”.

L’afiliáu d’Andecha Astur qu’inda queda vivu, abluca a la gueta cámares nel chigre la Tercera Edá onde ta xugando la partía colos sos collacios y echa un órdagu ganando la partía.

La cronoloxía foi asina: güei a les 3 de la tarde, nun chigre Riosa, mientres chábase la partía de tolos díes, cola TPA sintiéndose no fonderu, Manolín l’Andechanu quedó ablucáu cuando sentió les pallabres del nuesu Presidente: “los independentistes nun tienen otra salía qu’alzar la so apuesta”.

Manolín miró pa la tele, miró alredor a la gueta cámares de seguridá, miró pa les sos cartes, miró pa los collacios de partía y dixo:  “cagonmimantu, qué coyones, órdagu”. La cara plasmu los collacios quedó pa la posteridá, fizose’l silenciu nel chigre, ya inclusive pasó una bola d’herba pente’l chigre.

Manolín declaró a esti periódicu: “llevaba esperando esti momentu tola vida, por fin salimos na televisión y somos visibles pa la sociedá. Xabel, trema pa les prósimes eleiciones, qu’Asturies ta espertando. Sabía que los servicios secretos asturianos seguíanme la pista dende cuantayá, pero yo despistábalos variando la ruta pal chigre tolos dies”.

David M. Rivas pon un comunicáu nel so Facebook dende L’Altu España diciendo que de xuru, Xabel el Mudu ta falando d’él.