Por confirmar l’actuación de Danny Daniel en Colunga.

L’executivu asturianu negocia cola Residencia del artista pa que pueda volver dempués de les 22:00.

L’actuación del GRAN ARTISTA qu’esti añu contrataron pal Día d’Asturies, demostrando que cuando s’entama una Folixa nesti país, siempre se tira de lo meyor, paez ser que ta teniendo dalguna torga y ta por confirmar que se pueda desendolcar esta  nueche.
Según fontes bien informaes, la Residencia de Mayores na que vive l’artista pieslla les puertes a les 22:00 hores y nun hai forma de momentu de que faigan una esceición pa que llegue más tarde. L’executivu asturianu ta desendolcando tol aparatu del Principéu pa que’l rapaz pueda tornar más tarde de la hora. Y toos sabemos que l’aparatu del Principéu ye un cachu aparatu. Suponemos qu’heba suerte y l’actuación estelar del calendariu folixeru asturianu de la década se pueda facer, lo contrario sedría una gran frustación pa l’exércitu de fans del GRAN ARTISTA.