FERNANDO ALONSO FALLA OTRA VUELTA

ESCAPÁRONSEME POL PELU UN GOCHU.

Anteayeri, otra vuelta, Alonso acabó la carrera’l primeru. Non, nun ye que ganara, ye qu’acabó enantes de la hora. Estrozó los frenos y tuvo que metese nel box. Dicíen les males llingües qu’intentó atropellar arremente a dalgún mecánicu. El nuesu enviáu especial al circuitu, fízo-y la entruga a espetaperru.

– ¿Fernando, ye verdá que los quixisti atropellar?

– Pues mira, nun voi dicite que sí, nin tampocu voi dicite que non, lo que te puedo dicir ye que… cagonespites, vaya reflexos que tienen los mecánicos, intentelo, pero escaparon toos vivos. – declaró encesu.

Ye que son una panda manguanes, nun saben lo que tienen entre les manes. ¿Qué quieren? ¿Qué frene como Pedro Picapiedra nel so coche? Home, val que’l coche cuerre menos que les obres del AVE n’Asturies, pero coyones, camudame los discos del frenu por unos de Melendi nun ye serio.