Ciudadanos d’Asturies propón la unificación de les families monoparentales.

Quieren llevar la xunción de los Conceyos al últimu estremu.

     Siguiendo la so política de contención del gastu públicu, la formación naranxa quier obligar, si gobierna, a les families monoparenales a xuntase nun pisu. Eso sí, siguiendo un orde. Obligarán a xuntase a families monoparentales onde’l cabeza de familia seya una muyer con otra que na que lo seya un home.
Qu’hai munchu viciu – manifestó a esti periódicu un dirixente de Ciudadanos – qu’entames a xuntar mazanes con mazanes y peres con peres, y acabes faciendo una compota.
Con esta midida, pretenden conseguir un parque de viviendes vacíes que se puedan alquilar a madrilanos cuando vienen de vacaciones y asina engordar l’ayalguería del Principéu.
Eso sí – esclarió’l mesmu dirixente- Procuraremos que queden bloques enteros vacíos p’alquilar, de manera tala que los madrilanos nun tengan que cruzase col paisanaxe autóctonu qu’aveza a falar n’asturianu o amestáu, lo que puede cafiar fonderamente a los subpayarianos.