DECLARACIONES DE MORIYÓN: “YO IBA SER LA PORTADA D’INTERVIÚ ESTA SELMANA”

GRACIES A DIOS, NUN LO FUE.

“Les banderíes cola bandera d’España yeren pequeñes pa tapar el mio cuerpu, asina qu’hubo que dexar pa prau’l posáu pa la famosa revista”, declara señaldosa Moriyón en viendo l’éxitu la publicación d’esta selmana d’una política’n porrica.

“Por mor d’eso tuvimos que soltar la babayada’l plan pal paséu la costa y contratar a Pipi como pregoneru pa les Fiestes de Begoña, ¡Sí tuvi hasta pensando qué facer col Metrotrén!. Pero la primer idega yera dar el pelotazu col posáu. Falé con Cascos y puedo almitir que vi camudar el so rostru d’espresión por primera vegada na mio vida. Dixome que taba preciosa, y dempués marmulló dalgo sobre enfondir el partíu d’una puta vegada”.

“Nun hai photoshop nel mundiu pa Moriyón, la mio cámara ñegose a facer el disparu”, afirma’l fotógrafu de la revista tres la llamada d’esti periódicu pa saber la so opinión sobre l’asuntu. “Toi en tratamientu psicolóxicu, esto nun me pasó nin con Belén Esteban … y eso que convencila pa tapase coles banderíes, porque ella namás quería posar con una pulserina cola bandera d’España”.