VALENCIA DE DON JUAN DECLARA L’ASTURIANU LLINGUA OFICIAL

El conceyu de Lleón dio un pasu alantre

     Valencia de Don Juan, conceyu de Lleón ye ún de los destinos vacacionales preferíos de la xente asturiano, polo que’l so “Ayuntamiento” decidió tomar nota y facer dalgo qu’agradara a la xente qu’invade tol branu’l pueblu.
José Mº Alonso Alcón, alcalde de Valencia de Don Juan, declaró oficial l’asturianu en tol conceyu, declarando, que yera una midida necesaria anque según les sos pallabres: “ye solo firmar un papel y normalizalo, porque la verdá ye que nes piscines municipales,  fálase más asturianu qu’en too Asturies”.
De magar esta misma selmana, van cambiase los cartelos d’información, anque respetando la topinimia cazurra “Too nun nos lo vais cambiar” declara un vecín de Valencia.
Amás, el conceyu ta dando cursos d’asturianu, con profesores nativos, a la xente que trabaya nes piscines, oficina de turismu y hostelería en xeneral, pero tolos vecinos puen acudir a dellos cursos ensin problema de places, ya qu’hai varios turnos y hores a escoyer.