PROHÍBENSE LES BRAGUES COLOR CARNE NEL CONCEYU L.LENA

YE UNA MIDIDA ANTIMORBU.

Dempués de munchos alderiques, un grupu de muyeres asturianes xuniéronse y decidieron falar colos fabricantes de llencería pa quexase del color carne de les bragues.
Según elles, ye una midida “antimorbu” y dicen “Anque son cómodes, son fees pa pirru, ye imposible qu’esi trapu-y siente bien a nenguna muyer” comenta Federica, la presidenta de la ACBC (Asociación contra les bragues de color carne). Amás tán a favor d’otres midíes con tal d’evitar les citaes bragues color carne, por exemplu, dir en comandu.
El lema d’esta campaña ye “Bragues de color carne y otres formes de dicir NON” lluchen por ropa interior más guapa y de diferente colores, que por supuestu nun puen incluyir el color carne.
Aleguen que los sos homes cuando les ven poner esti tipu bragues, direutamente nin se- yos acerquen, en definitives cuentes, nun les toquen ni con un punteru láser.
La midida llegó hasta les Cases Conciyu de les Cuenques Mineres, concretamente al de la Pola L.lena, onde R. Mar i Nero, representante del PP nel conciyu, afirmó incluir nel programa electoral una llei na que se prohíba terminantemente la comercialización del trapu color carne en tola Pola.
Los demás partíos políticos entá nun se manifestaron, anque posiblemente seya ún de los temes principales nel debate entre tolos representates de partíos.