L’AUTOPISTA “Y” VA PASAR A LLAMASE “V-PALITO”
Pautu entre Rajoy y Beneditu
En conceyu secretu celebráu n’El Vaticanu entre Rajoy y el papa eméritu Beneditu apautaron camudar el nome de l’autopista “Y”
El papa eméritu comentó-y a Rajoy que na so visita a España prestó-y muncho aquello que-y glayaben peles cais.
– Benedito, EQUIS, UVE, PALITO.
Que-y prestaría abondo’l qu’hubiera un recuerdu na península pa la posteridá.
El presidente, recoyó’l guante, que golía a inciensu qu’espatarraba, y punxo al so equipu de “trabayu” a trabayar, entre les protestes de los miembros del grupu por tener que currar.
Como nun atoparon un sitiu en toa España nel que cuadrara la equis, uve, palito. Decidieron acortar y nun se-yos ocurrió otra cosa que convertir la “Y” en Uve, Palito.
Sedrá la gran aportación del PP a estes tierres indómites – declaró’l gallegu.
Nel conseyu de redación de La Foz d’Asturies, el comentariu yera, yá vos dicía yo, que poner a otru gallegu de presidente nun diba ameyorar muncho el panorama.
