INGRESEN L’EGO DE CHUS PEDRO NUNA CLÍNICA D’ENDELGAZAMIENTU.

Taba a piques d’españar – declaró l’ego.

chus pedro

Taba a piques d’españar – declaró l’ego.
Ayeri, l’ego de Chus Pedro, cantante de perconocíu grupu Nuberu ingresó d’urxencia na Clínica d’endelgazamientu La Sílfide, del barriu xixonés de Somió.
Na puerta l’establecimientu, atendió a los medios que s’apetiguñaben ellí a la espera de les sos declaraciones enantes d’ingresar.
– Nun podía más. Taba a piques d’españar, llevo munchos años engordando, pero la gota que fizo rebalsiar el vasu, foi qu’agora dio-y por facer un programa nel que convida a xente que canta mal, pa cantar con ellos y quedar como’l mocín de la película. Yá lo pasé mui mal el día que quería merendar l’ego de Gabino Antuña.
Na mesma clínica La Sílfide, hai tiempu que tán ingresaos los egos de Carlos Rubiera y Xuan Bello. El primeru ingresó darréu de que’l cantautor ficiera un programa de radio sobre sigo mesmu, el segundu ingresó’l día que consiguió entrar na Fundación Prinzesa de las Asturias.

 

Quiciabes te preste tamién...