ENGARRADA DE ROSA DÍEZ EN CUADONGA

Tuvieron qu’apaecer les fuerces de seguridá a separtar al Abade y a cabezalera d’UPyD.

     Na visita de Rosa Díez al nuesu país pola mor de los mítines de les elleiciones metióse-y a la diosa y cabezalera del partíu ROSA visitar la Santa Cueva de Cuadonga.
Los primeros instantes de la visita trescurrieron ensin problemes. L’Abade de Cuadonga salió a recibir a la excursión (nun llenaben un ALSA) a l’aparcaderu que ta ente la basílica y la entrada de la cueva.        Too trescurría entre abrazos, besamanos y rises y nada facía suponer el desenllaz de la visita.
L’Abade, convidó al séquitu a entrar na cueva pa rindir homenaxe a La Santina. Al llegar ente la figura de la virxe, a la llideresa del partíu ROSA, nun se-y ocurrió otra cosa que dicir:
– “Hombre, la Cueva está muy coqueta, y está todo muy colocadito, pero ganaría mucho en relevancia si trasladáramos  esta figura a la basílica y aquí pusiéramos una efigie con mi figura, para que me pudieran adorar”
Nesi mesmu intre, l’Abade arroxó, y encesu garró a Rosa Díez pel gargüelu al glayíu de:¡¡¡ Erexe, erexía, BANSÁAAAAAAAI!!!
La toopoderósa llideresa, revolvióse y garrándo pelos pelos al abade, fizo presa y nun soltó hasta que les fuerces del orde la convencieron, cola intervención de los bomberos, que-yos tuvieron qu’enchufar una manguera con agua xelao pa que se despegaran, neto que si forne perros en metada de la cópula.
Al zarru de la edición, los dos personaxes taben nel xulgáu de Cangues a la espera de la instrucción de les dilixencies.
Siguiremos informando.