HBO Confirma llugares de rodaxe de la próxima temporada

Van rodase dellos capítulos en Perlora.

La mañana del miércoles, amanecía la redación d’esti humilde periódicu cola noticia de que HBO productora de Xuegu de Tronos tenía decidío volver a grabarna península ibérica.
Dempués de l’esperiencia andaluza los de HBO decidieron cambiar de prau y tirase a otros sitios, dos d’ellos con Girona y Peñíscola, pero l’últimu y no por ello menos sorprendente ye Perlora.
Perlora ye perconocío por tolos asturianos. Nos 70 y 80 yera la Marbella del norte, coméntase que los primeros complexos residenciales tán basaos en Perlora Ciudá de Vacaciones. (Dempués surdiríen burdes copies como eso que noman “Marina D’Or”).
Entá nun se sabe que representarán ellí na famosa saga ¿Sedrá Desembarcu del Rei? Pa eso tendremos qu’esperar un par de meses.
Lo que ta claro ye que tol conceyu de Carreño ta encantáu cola noticia y tán dispuestos a dexar les sos cases pa la xente de producción y como no a los actores.

¿Convidarán a Cherines a facer de sirvienta de Daenerys Targaryen? ¿Fadrá’l Tini Toon de castrato? ¿Apaecerá Emilio León al norte del muru?
Na Foz D’Asturies yça tenemos ganes de ver el resultáu de tal eventu.