Pau Donés operáu d’un cáncanu de colon.

Tres l’anuncia de Pau Donés -sí ho, el de Jarabe de Palo, el de la Depende, tovía nun caes?, el de la Flaca ho, nhomenon, los de la Lola yeren Café Quijano, flaca, ¿yá sabes quién ye? pues ala-, de la so operación por cáncanu de colon, na rueda prensa pa danos el resultáu de la so intervención, el mélicu, a la entruga de “oye, qué tal salió esti de la operación”, respuende con un “Depende, ¿de qué depende? De según como se mire, todo depende”.

Tres l’ablucamientu xeneralizáu na sala prensa, col lloru l’únicu fan qu’atopamos del grupu, el mélicu dixo: “home, depende, la operación foi bien, por esi llau tamos contentos; pero eso quier dicir que va poder siguir tocando música, o lo que seya que toque esti, asina que por esi otru llau, mal. De según como se mire, todo depende”.

Llárimes d’emoción, aplausos na sala prensa, el mélicu sal de la sala colos cuernos dando glayíos a lo DIO.

Dende la FOZ d’Asturies esperamos la recuperación total d’esti gran artis … persona, y que por favor, nun vuelva tocar no que-y queda de vida, qu’esperamos que seya muncho. Pau, faenos casu, qu’entendemos d’esto.