La redaición de TPA noticias pide auxiliu.

Encamienta a los partíos políticos que nun lleven la grafía “X” nos sos nomes.

Recibimos nota de prensa de los compañeros de les noticies de la TPA.

Nella faen un llamamientu y un encamientu a los partíos políticos que puedan xurdir n’Asturies nel futuru, a que nun lleven la grafía “X” nos sos nomes. Ye perenguedeyao pronunciar esi fonema del diañu.

Asina mesmo, ofrécense a facer los trámites alministrativos pa que los qu’existen, como por exemplu, Xixón Sí Puede,  camuden el nome a otru en cristianu, porque por culpa d’ellos somos la risión d’Asturies, y nun tenemos culpa de nun saber pronuncialo.

Tamién faen un pidimientu al Real Uviéu, pa qu’aprovechando l’ascensu a segunda, camuden el nome de les instalaciones d’entrenamientu del Club y camuden “El Requexón” por otru nome más afayadizu, por exemplu Tequila, Guacamole o Totopos.