Garren a una Militante de FEMEN Asturies con camiseta

Échenla darréu del Grupu Feminista.

La moza cola camiseta

El grupu de sobra conocíu por toos , FEMEN, (grupu de muyeres que lluchan polos sos drechos cola espetera al descubiertu) ta en boca de toos dende fai unos díes.
Y nun ye precisamente por dir cola espetera al aire, si non porque una de les sos integrantes decidió dir a una protesta con una camiseta, les compañeres de la moza en cuestión, que nun quier dar nin el so nome ni los sos apellíos por mieu a les represalies, darréu de ver que nun se ponía en mou “tetes free” entamaron a llamái de too y presionala pa que lo ficiera, pero según nos diz ella “Yo tenía frío, y nun se m’apetecía quitar la camiseta, que amás ye la mió favorita y yo soi xelera de tola vida, que n’agostu saco siempre una chaquetina por si acasu”.
El tema nun quedó equí, si non que na asamblea de dempués de la concentración, les sos propies compañeres decidieron echala del grupu feminista, por nun respetar los sos valores. La moza ta consternada, diznos qu’ella creía que podía protestase ensin enseñar les mamielles, pero polo visto la so solicitú nun se respetó en nada por parte de les sos compañeres.
La moza expulsada de FEMEN nun sabe entavía que va facer, si montar el so propiu grupu femenín de protesta o retirase de la vida de militancia.
Faiga lo que faiga, na Foz d’Asturies vos mantendremos informaos.