Los bares d’El Rosal de norabona

BARES DEL ROSAL D’UVIÉU DANDO PALMES COLES OREYES

PA QUE-YOS QUITEN LA ETIQUETA DE GARRAFONES

L’Asociación d’Hosteleros escontra’l Garrafón d’Asturies (AHGA) púnxose en contautu con esta redaición pa facer un llamamientu a la población asturiana pa que dexe de pensar que los cacharros que ponen en El Rosal son de Garrafón.

“En viendo que n’Asturies naide morrió por tomar una copa nun Chigre del Rosal, pedimos que toos aquellos que faigan chancia o digan dalgo los domingos pela mañana de resaca dempués d’una nueche de folixa per Uviéu, que rectifiquen o vamos contratar a Nacho Prendes pa facer una demanda conxunta a tolos que mos insulten”.

A la entruga de si esto yera una nueva llei mordaza del garrafón, l’asociación retrucó “los asturianos nun bebemos l’agua los floreros porque nun tien alcohol. Dende equí queremos desmentir públicamente que nada tenemos que ver coles malformaciones ya discapacidaes de los nenos nacíos de nueches de pasión nel parque d’enfrente del Campus de Llamaquique.”

L’Asociación de Xardineros d’Asturies (AXA) diz que por mor del garrafón, les plantes de les xardineres d’El Rosal tienen mutaciones estrañes, y un retrogustu a alcohol del malu si güeles les flores” Camienten que la única esplicación posible ye la cantidá de xente vomitando nelles en saliendo de los chigres del Rosal.