Un paisanu de L’Arena entra y sal d’Uviéu ensin que lu multen

Fechu históricu na ciudá d’Uviéu

L’equipu d’investigación de La Foz d’Asturies, alcontró esta selmana a un conductor que consiguió entrar, circular y salir d’Uviéu ensin que lu consiguieran multar.
El paisanu, de L’Arena, manifestó que tuvo que dir a Uviéu a iguar unos papeles na Conseyería de Mediu Ambiente. Y que lo tuvo bien difícil.
De la qu’entraba pela autopista, venía pensando nos papeles y cuando diba entrar nel primer cincuenta, en metada de l’autopista, metióme una molleyada la muyer, que venía conmigo, y fui a frenar enantes.
Nel semáforu de La Gabinona, diba saltalu en naranxa, pero otra molleyada de la parienta torgómelo. Asina entre molleyada, y mochicón, semáforu y radar… fui quien a entrar y salir seliquino. Y llegué a casa ensin que me multaran. Voi mirar colos del Guinnes de los records, porque diz la muyer que soi el primeru.