Declaraciones de Xabel el Mudu: “Sigo vivu, nun toco la batería colos Pirates nin discuto cola muyer. A los asturianos, yá tal, y eso”

Tres la noticia la muerte de Javier Fernández, ex batería Los Piratas, por un Guardia Civil mentes taba engarriáu cola muyer, munchos asturianos entrugábense si’l nuesu presidente siguía vivu, ya que nun sabemos d’él dende cuantayá.

Asina que Xabel el Mudu viose obligáu a falar colos medios, con esi xestu risonderu que-y carauteriza, tou allegría y bon rollu. Cuntonos que de mozu tocaba la batería nun grupu de Mieres, y qu’a puntu tuvo de fichar polos Stukas, pero lu echaron p’atrás pola so falta de carisma.

Y qu’enxamás tocó a nenguna muyer, “toi enfotáu 100% nel maltratu diariu a tolos asturianos como pa centrame namás nuna persona, nhomenon”.

La reciella la prensa que s’aconceyó pa la rueda prensa sospiró solliviada porque’l nuesu presidente siga ente nós. ¡Llarga Vida!