Espolín descomanáu en ZARA Home

Un Paisanu Morcín entra a mercar ropa y monta l’espolín.

home

Entra nel Zara Home de Los Fresnos en Xixón a mercar unos zapatos y una camisa de paisanu. Darréu de dar delles vueltes pel establecimientu y entrugar onde taba la ropa de paisanu, díz-y una dependienta qu’aquello yera una tienda d’articulos pal hogar.

Nesi momentu, el paisanu, entama a glayar y dar pataes al mobiliariu y diciendo que si pon fuera que ye una tienda d’home, tendrá qu’haber ropa de paisanu y puntu, y si non, que nun lo pongan.

Lo peor del asuntu, ye que lo qu’entamó como un espolín particular, entamó a espardese vía sms y pelos chigres (col sofitu de los repartidores de Vinos Joselín) y paez ser que güei hai una quedada de paisanos (non toos de Morcín) pa dir a quemar l’Ikea. A estes hores, na redaición de La Foz, desconócense les razones pa qu’Antón encienda la mecha y lo faiga con picardía.

Quiciabes te preste tamién...