PRIMICIA. LA CONVERSACIÓN ENTRE PIPI Y MORIYÓN

EL BECARIU TUVO PRESENTE NA CHARRA ENTRE LOS DOS PERSONAXES

Conseguimos que’l becariu de La Foz d’Asturies tuviera presente na proposición de l’alcadesa de Xixón a Pipi Estrada, pa que faiga de Pregoneru esti branu.

La trescripción de la charra ye la qu’amosamos darréu.

CM – Pipi, aprovechando que tas equí, na too ciudá, quería facete una proposición.
PE – Home, mira Carmen, toi emocionáu por tar en Xixón, pero si vas pidime matrimoniu, nun t’ofiendas, pero tas un pocu mayuca, pa lo que me gusta a min. Amás recuérdesme a Terelu.
CM – Calla bobu, que toi casada y soi de dreches, apostólica y romana, como les Termes. Nun yera eso, ye pa que seyas el Pregoneru de les Fiestes de Begoña.
PE – Y pa ser eso, ¿qué hai que facer? Desnudase, falta-y a daquién, retresmitir un partíu. Lo mío ye’l Reality show… fía.
CM – Ai Pipi, cómo yes. Non, hai que dicir delles pallabres al públicu.
PE – ¿Pero les pallabres que quiera? ¿Pirula, ratu, mierda, peu…?
CM – Ai Pipi, qu’ocurrente yes, casi como’l mio Rubiera. Sólo te falta componer muñeires en water.
PE – ¿Muñeires? Eso ye lo qu’a min me gusten les “muyeires”… a eses enséño-yos el Pipón.
CM – Vaya ocurrencies Pipi. Buenu entós qué… ¿faes el pregón o non?
PE – Yo habiendo “muyeires” faigo lo que faiga falta. ¿Hai que venir en tanga?
CM – Voi acabar mexándome… Non, ye meyor que venas de traxe
PE – Y entós qué digo.
CM – Lo que se t’ocurra de Xixón y les sos fiestes.
PE – ¿Fiestes privaes o públiques? Ye que yo soi mui de fiestes privaes… De les d’acabar en water toos xuntos.
CM – Non fíu, meyor de les públiques, hasta que les privaticemos.
PE – Pues entós, teniendo que falar de FOLIXES, disti col home indicáu.
CM – Entós, yá tenemos pregoneru.

Asesor de l’Alcaldesa – Que dios mos garre confesaos.