XABEL EL MUDU ESCRIBE NA PIZARRA: “YO COMO ESPERANZA AGUIRRE, TAMPOCO LLEVO PROGRAMA, PA QUÉ”

L’otru día, Xabel sorprendió saltándose’l protocolu, saliendo la reciella guardaspaldes ya palmeros que lleva alredor y púnxose cara a los periodistes palmeros que tamién lleva pa con él, una paisana que pasaba camín del Alimerka paró ablucada, pero en viendo quien yera, siguió caminando pa lo d’ella.

Hebo un silenciu que namás rompió un neñu qu’entrugó: “ma, quién ye esi paisanu?”, a lo qu’ella respondió: “nun sé, pero con esa cara mazcayu de xuru que ye políticu”

Xabel entamó escribir na pizarruca que lleva siempre con él pa comunicase cola so feletería, esborró, escribió, esborrió, escribió … igual que la to ma col Whattsapp, y a la fin mostró la pizarra’l mundu igual que cuando amosaron al pequeñu Simba al pueblu nel Rei Lleón.

Les pallabres escrites costaba lleeles por mor d’una caligrafía de neñu pequeñu, pero’l so logopeda traduxo pa nós los garabatos de la pizarra: “Yo como Esperanza Aguirre, tampoco llevo programa, pa qué” (amosamos el testu ensin faltes d’ortografía gracies al correutor de testu).

La ma miro pal nenu, el nenu miro pa la ma cola güeyada de quien ve la sabiduría’n persona y la ciudá siguió’l so ritmu seliquín de siempres.