Intervién el 112 en La Ballera de Villaviciosa
Tuvieron que despegar al gaiteru de la barra.
Ayeri pela mañana tempranu, los efeutivos del 112 Asturies tuvieron que presentase na sidrería La Ballera de Villaviciosa pa despegar al gaiteru que taba enriba la barra.
La nueche de celebración poles celebraciones del ascensu a primera del Sporting de Xixón foi llarga. Arturo xubióse a la barra bien ceo, y entre culinos y culinos foi pasando la nueche. Cuando-y entraron ganes de mexar, quixo baxar de la barra, pero la sidra que taba estrao pela barra ficiera una película pegañoso y el gaiteru nun yera a despegar los pies de la madera.
En llegando’l 112, procedieron a quita-y los zapatos pa poder baxalu a mexar, y darréu tuvieron que da-y al gaiteru un tranquilizante, porque quería volver a xubise a la barra.
Los psicólogos del 112 fueron a convencelu pa que colara pa casa.
