GABINO DI LORENZZO SACA PECHU
ASTURIES LLIBRE DE DELINCUENCIA.
El superhéroe ástur, Gabino di Lorenzzo enchipóse tou nuna cellebración y manifestó qu’Asturies ye’l sitiu más seguru, de la península, d’Europa, del Mundu, y que-y falten dellos detalles pa que lo seya de la Vía Llactea, y que nuna llexislatura, tien como finxu el que seya’l sitiu más seguru del Universu. Amás quieren ser los Guardianes del Universu y facer una franquicia de Superhéroes nel espaciu conocíu y por conocer.
Elli, y el grupu de superheroes que llidera, conocíos por llevar la colloragualda de capa, tán en negociaciones con una empresa telefónica pa qu’instale cabines telefóniques en tolos planetes del Universu.
Asoleyó que’l principal problema que tienen ye’l que, como nel restu planetes nun hai cabines de teléfonu nun tienen ónde se cambiar, y que como xente de bien y de dreches, da-yos vergoña enseñar los calzonciellos al poner el traxe de superheroe.
