Cuatro díes siguíos nel HUCA ensin goteres
El SESPA investiga los fechos.
Peresmolecíos anden los trabayadores del HUCA. Polo visto, lleven cuatro díes siguíos ensin ver una gotera per denguna dependencia del nuevu Hospital.
Dicen que nun tán avezaos a trabayar ensin humedances, y ensin tener que poner les katiuskes pa dir d’un sitiu a otru.
El SESPA ta investigando’l casu. Paez ser, que posiblemente, l’asuntu tenga que ver cola ausencia de lluvia na cabera selmana. Les investigaciones apunten a esa causa, pero nun lo tienen mui claro.
