L’Alcalde de Ḷḷena, prohibe’l corderu a la estaca.

L’alcalde L.lena, Ramón Argüelles, sufre una indixestión y prohíbe en tol conceyu’l corderu a la estaca.
La pasada fin de selmana, l’alcalde de L.lena Ramón Argüelles (IU) alcontrábase de comida colos compañeros del so partíu, nun famosu establecimientu del conceyu, cuando, pa disgusto de tolos asistentes, tuvo que llamase a l’ambulancia d’urxencia, debió al malestar del buen home.
Ramón, entamó a sentise regular, ensin ganes de comer, nun sabía mui bien el motivu, ya que según les sos propies declaraciones “solo comí un poquitín de cordiru”. Los trabayaores sanitarios, declararon a esti períodicu qu’esto nun yera del too cierto, ya que traía el equivalente a un coma etílucu, pero con corderu. Los sanitarios lleváronlu al hospital Álvarez Builla, anque a les dos hores en perfectes condiciones.
El llunes siguiente, el propiu alcalde, enfadáu y enrrabietáu, publicó una nota de prensa, na que daba la campanada, diciendo que prohibía en tol conciyu los corderos a la estaca, tanto en establecimientos públicos como nos privaos, el titular de la nota prensa yera’l siguiente “Acabose en L.lena el ricu raca cordiru a l’estaca”.
La noticia fue un golpetazu tremendu pa tolos vecinos, ya qu’entre otres coses nesti conciyu celébrase la Fiesta’l Corderu en Xunetu.
Declaraciones hai de too tipo y por desgracia ninguna qu’apoye al propiu alcalde, estos días, nel conceyu podía sentise en cada conversación la palabra “fartón”. La indignación taba clara.
Nun sabemos si l’alcalde recapacitará o dexará la prohibición. Dende la Foz seguiremos informando.