Un guaḥe nuna ecografía amuesa más espresiones que Xabel el mudu
Según un estudiu d’Uniuvi.
Un estudiu de la Universidá d’Uviéu, amuesa qu’un guaḥe na barriga so ma ye capaz d’amosar más espresiones por minutu que Xabel el Mudu en 4 años.
En viendo la inespresividá del nuesu presidiente, falamos con Corporación Dermoestética pa saber si la so paralización facial ye por mor dalguna operación estética pa ser más guapu. Dempués de rise socarronamente, la doctora Rubio dixo que yera imposible con esa cara maizón y qu’ella apostaba más por un maquillaxe facial d’esos que tan de moda en Hollywood.
La redaición d’esti periódicu, incansable na gueta la verdá, faló colos estudios de Hollywood y atopamos ún que fai películes X qu’almitió contautos con Xabel el Mudu. Y ye que toos sabíemos que nun podía tar onde ta pola so capacidá intelectual.
